Vodhi 40 miliardë dollarë, arrestohet shumë pranë Shqipërisë bosi i kriptomonedhave

Policia e Koresë së Jugut ka bërë me dije se Do Kwon, shefi i kompanisë së kriptomonedhave Terraform Labs, i cili qëndron pas kolapsit prej 40 miliardë dollarësh, është arrestuar në Mal të Zi.

Në fillim të këtij viti prokurorët amerikanë akuzuan zotin Kwon dhe kompaninë e tij Terraform Labs për “orkestrimin e një mashtrimi shumë miliardë dollarësh të letrave me vlerë të aseteve kripto”.

Autoritetet e Koresë së Jugut lëshuan një urdhër arresti për z. Kwon shtatorin e kaluar pasi besonin se Terraform Labs kishte shkelur rregullat e tregut të kapitalit.

Ata kishin menduar se ai ishte në Serbi, madje dërguan zyrtarë në Beograd për të negociuar, pasi të dy kombet nuk kanë një traktat ekstradimi.

Këon ka mohuar më parë se ishte fshehur, por nuk e zbuloi kurrë vendndodhjen e tij.

Lajmi për arrestimin e tij u nda fillimisht nga ministri i brendshëm i Malit të Zi, Filip Adzic, i cili tha në Twitter se “një personat më të kërkuar në botë” ishte arrestuar në aeroportin e Podgoricës.

Adzic shtoi se i dyshuari dyshohet se udhëtonte me një emër të rremë me dokumente false. Autoritetet po prisnin për konfirmimin zyrtar të identitetit të burrit, tha ai.

Të premten, policia e Koresë së Jugut konfirmoi se i dyshuari në Mal të Zi ishte zoti Kwon, pasi gjurmët e gishtave të tij përputheshin me të dhënat zyrtare.

LEXO GJITHASHTU:

• E rëndë në Greqi, fëmija 7-vjeçar qëllon me pushkë motrën e mitur
• Pensionistja nga Saranda: Po rikthehen kirurgët e dalë në pension, s’ka të rinj