Vodhi një banesë e tentoi të kryente vjedhje të tjera, arrestohet laçjani në Shkodër

Një 46-vjeçar në Shkodër ka rënë në prangat e Policisë, pasi dyshohet se gjatë muajit qershor vodhi në një banesë dhe tentoi të vidhte në 3 banesa të tjera.

Përmes një njoftimi Policia bën të ditur se 46-vjeçari është banues në Laç, ndërkohë që po punohet për të zbardhur vjedhje të tjera që mund të jenë kryer nga ky shtetas.

Materialet procedurale i kaluan Prokurorisë së Shkodrës, për veprime të mëtejshme.

Njoftimi i Policisë:

Shkodër-Gjatë muajit qershor, vodhi në një banesë dhe tentoi të vidhte në 3 banesa të tjera, kapet dhe arrestohet 46-vjeçari.

Si rezultat i veprimeve të shpejta hetimore të kryera nga shërbimet e Komisariatit të Policisë Shkodër, për të identifikuar dhe arrestuar autorin e disa vjedhjeve/tentativave për vjedhje në banesa të ndryshme, u kap dhe u vu në pranga shtetasi:

1. B., 46 vjeç, banues në Laç.

Nga veprimet hetimore dyshohet se 46-vjeçari, gjatë muajit qershor 2024, ka vjedhur në banesën e shtetasit E. D., si dhe ka tentuar të vjedhë në 3 banesa të tjera, në Shkodër, Shirokë dhe Muriqan.

Punohet për të zbardhur vjedhje të tjera që mund të ketë kryer shtetasi G. B.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Vjedhje në muzeun britanik, artisti brazilian merr monedhën historike për ekspozitë
• Grabitësit plagosin Baggio-n, i vjedhin banesën teksa shikonte ndeshjen e Italisë