Vokshi: Ministrja Kushi mungoi në gjyq, duhet të japë dorëheqjen

Këtë të mërkurë, deputetja e Partisë Demokratike, Albana Vokshi mori pjesë në seancën gjyqësore për një padi të bërë ndaj ministres së Arsimit Evis Kushi, për tezat e provimit të maturantëve, të cilat dolën para provimeve.

Vokshi tha se sot është zhvilluar seanca e parë, ndërsa ministrja e Arsimit Evis Kushi nuk ishte pjesë e kësaj seance.

Ajo nënvizoi edhe njëherë që Kushi duhet të japë dorëheqjen, pasi sipas saj së bashku me kryeministrin Edi Rama e kanë kthyer Arsimin në celulë të PS.

“Kjo qeveri është armike e dijes dhe e zhvillimit. Nxënësit tanë po lenë shkollën dhe braktisin Shqipërinë. Pa dijen, pa arsimin, pa rininë, Shqipëria është në rrezik. Si prind, u bëj thirrje nxënesve dhe prindërve të tyre, t’i bashkohen protestës më 7 korrik”, u shpreh deputetja.

LEXONI GJITHASHTU:

• Kushi: Testi i Biologjisë asnjë gabim, shumë maturantë kanë shkëlqyer
• Dalin notat për Gjuhë – Letërsinë, 2 maturantë marrin 10