Von der Leyen: Ndërprerja e gazit rus për Poloninë dhe Bullgarinë provokim

Vendimi i Rusisë për ndërprerjen e furnizimit me gaz në Poloni dhe Bullgari është një veprim agresiv që BE-ja e konsideron si një formë shantazhi, tha presidentja e Komisionit Europian, Ursula von der Leyen.

“Ne do të sigurojmë që vendimi i Gazprom të ketë ndikimin më të vogël të mundshëm tek konsumatorët europianë”, tha Von der Leyen, raporton BBC.

Presidentja e KE paralajmëroi gjithashtu ofruesit europianë të energjisë të dalin kundër kërkesave ruse për të paguar gazin e tyre në rubla, duke thënë se kjo është një shkelje e sanksioneve të BE-së.

“Pagesa në rubla, nëse kjo nuk është parashikuar në kontratë, është shkelje e sanksioneve tona”, tha Von der Leyen.

Ajo tha se kompanitë pa kontrata që specifikojnë pagesën në rubla nuk duhet të dorëzohen në kërkesat ruse pasi do të ishte “rrezik i lartë” për to.

LEXONI GJITHASHTU:

• Agresioni rus në Ukrainë do dështojë, thotë Von der Leyen
• Von der Leyen viziton Buçan: Pamë fytyrën mizore të Putinit