Von der Leyen: Sulmi i Hamasit është një “akt terrori”, u vranë të pafajshëm

Presidentja e Komisionit Evropian Ursula von der Leyen tha se sulmi i kryer nga grupi militant Hamas kundër civilëve në Izrael ishte një “akt terrori” dhe pasqyronte “një të keqe të lashtë”.

“Në agimin e Shabatit, të shtunën e kaluar, e gjithë bota u zgjua nga tmerri. Qindra njerëz të pafajshëm u vranë me gjakftohtësi,” tha von der Leyen të mërkurën në takimin javor të komisionerëve evropianë në Bruksel.

“Terroristët e Hamasit vranë gra dhe fëmijë në shtëpitë e tyre. Këta të pafajshëm u vranë për një arsye të vetme. Për të qenë hebrenj dhe duke jetuar në shtetin e Izraelit. Është një e keqe e lashtë, e cila na kujton të kaluarën më të errët dhe na trondit të gjithëve deri në palcë, tha ajo, duke theksuar se ne duhet të jemi të qartë në përcaktimin e këtij lloji tmerri. Është terrorizëm dhe është një akt lufte”-përfundoi ajo.

I ftuar në takim ishte ambasadori i Izraelit në BE dhe NATO, Haim Regev.

LEXONI GJITHASHTU: 

• Rama të premten në Britaninë e Madhe, në fokus emigrantët
• Euronews: Shqipëria do të furnizojë ‘qindra mijëra’ shtëpi me energji diellore