Von der Leyen vizitë në Uashington më 10 mars 

Presidentja e Komisionit Evropian, Ursula von der Leyen do të udhëtojë në Uashington më 10 mars për një vizitë zyrtare.

Sipas njoftimit të Shtëpisë së Bardhë ajo do të diskutojë energjinë, zinxhirët e furnizimit, Kinën dhe reduktimin e varësisë së BE-së nga karburantet fosile ruse me presidentin amerikan Joe Biden.

“Ata do të diskutojnë gjithashtu koordinimin SHBA-BE në luftën kundër ndryshimeve klimatike përmes investimeve në teknologjinë e pastër bazuar në zinxhirët e sigurt të furnizimit”, thuhet në deklaratë.

Akti i Biden për reduktimin e inflacionit prej 430 miliardë dollarësh ofron 369 miliardë dollarë subvencione për kompanitë e gjelbra që prodhojnë në SHBA dhe synon të adresojë krizën klimatike dhe të promovojë energjinë e rinovueshme.

Megjithatë, ekziston shqetësimi në Evropë se projektligji, i konsideruar si paketa më e madhe e masave klimatike në historinë amerikane, mund të dëmtojë kompanitë dhe ekonomitë evropiane.

LEXONI GJITHASHTU:

• Vuçiç bisedë telefonike me Von der Leyen, e informon për dialogun me Kosovën
• Vdekja e emigrantëve në Itali, Ursula von der Leyen thirrje për reformë