Votimet e 100–vjeçarëve, bashkëshortja e Selman Stërmasit nuk gjen emrin në lista

Në jetën e saj shekullore nuk ka lënë asnjë rast pa hedhur votën. Por këtë herë bashkëshortja e Selman Stërmasit nuk ka mundur të votojë dot. Shkak është bërë procedura që duhet të ndjekin personat mbi 100 vjeç.

Është plot 101 vjece, edhe vet i ka humbur llogaritë sa herë ka votuar në jetën e saj, por sot sërish doli të votonte.

Nezihat Stermasi, bashkëshortja e e futbollistit Selman Stërmasi, i është drejtuar edhe sot qendrës së saj të votimit në shkollën Ismail Qemali ku voton përherë, por nuk e ka gjetur emrin në listat e votuesve.

“Shkova se është dita e votimeve dhe shkova të votoj, emrin se kisha. Ika nga aty, shkova në vend tjetër. Edhe atje s’kisha emër dhe erdha në shtëpi pa votuar. Umërzita, se shkova për të votuar me gjithë shpirt,” – u shpreh Stërmasi.

Për personat mbi 100 vjeç në këto zgjedhje kërkohet të ndiqet një procedurë tjetër, që është ajo e paraqitjes në zyrat e gjendjes civile për të përfshirje në listat e votuesve. Për shkak edhe të mosinformimit, ka pasur raste si i zonjes Stermasi që nuk mundi dot të votonte në këto zgjedhje.

LEXONI GJITHASHTU: 

• Euronews Albania publikon Exit Pollet për ndarjen e mandateve në Qarkun Elbasan dhe Durrës
• Celibashi: Pjesëmarrja përfundimtare në votime, vetëm pas raportimit nga të gjitha qendrat
• Zgjedhjet në mediat e huaja, nga Al-Jazeera tek Reuters, vëmendje procesit elektoral