Vrasja e 37-vjçarit në SHBA: Shefi i patrullës kufitare dhe agjentë të tjerë largohen nga Minneapolis

Shefi i Patrullës Kufitare Amerikane, Gregory “Greg” Bovino, i cili ka qenë në qendër të kritikave të ashpra pas një të shtëne të dytë fatale në Minneapolis, pritet të largohet nga qyteti të martën së bashku me agjentë të tjerë, sipas autoriteteve vendase.

Në bazë të kësaj, administrata Trump po riorganizon udhëheqjen e operacionit të saj të zbatimit të ligjit për imigracionin dhe zvogëlon praninë federale pas një të shtëne të dytë fatale nga oficerët federalë.

Trump tha se po vendoste carin e tij të kufirit, Tom Homan, në krye të misionit, me Homan që do t’i raportonte drejtpërdrejt Shtëpisë së Bardhë, pasi Bovino u kritikua ashpër për pretendimin se burri që u vra, Alex Pretti, kishte planifikuar të “masakronte” oficerët e zbatimit të ligjit, një karakterizim që autoritetet nuk e kishin vërtetuar.

Vrasja fatale e Prettit, një infermier i kujdesit intensiv, të shtunën nga agjentët e Patrullës Kufitare shkaktoi reagime të forta politike dhe ngriti pyetje të reja rreth mënyrës se si po drejtohej operacioni.

Udhëheqja e Bovinos në masat shumë të dukshme të goditjes federale, përfshirë operacionet që shkaktuan demonstrata masive në Los Angeles, Chicago, Charlotte dhe Minneapolis, ka tërhequr kritika të ashpra nga zyrtarët lokalë, mbrojtësit e të drejtave civile dhe demokratët e Kongresit.

Ndërkohë, kujtojmë që vetëm pak javë më parë, një grua 37-vjeçare dhe nënë e tre fëmijëve, Renée Good, u qëllua për vdekje nga një oficer i Shërbimit të Imigracionit dhe Doganave (ICE) të SHBA-së, ndërsa ajo ishte pas timonit të makinës së saj.