Vrasja e presidentit të Haitit: 50 persona të përfshirë, mes tyre gruaja e tij

Një gjykatës në Haiti ka lëshuar një listë të të akuzuarve në vrasjen e Presidentit Jovanel Moise në korrik 2021, të cilët përfshijnë gruan e Moise, Martine, ish-kryeministrin Claude Joseph dhe ish-shefin e policisë Leon Charles, ndër të tjera.

Aktakuzat mund të destabilizojnë më tej Haitin, i cili po lufton me dhunën e bandave dhe po rimëkëmbet nga protestat e dhunshme që kërkojnë dorëheqjen e kryeministrit Ariel Henri, raporton Zëri i Amerikës.

Gjykatësi Weser Walter etiketoi 50 persona si të përfshirë në vrasjen e Presidentit Moise.

Walter është gjyqtari i pestë në këtë çështje, pasi të tjerët dhanë dorëheqjen për arsye të ndryshme, përfshirë edhe frikën se mos vriteshin.

Ish-shefi i policisë, Leon Charles, i cili aktualisht është përfaqësues i përhershëm i Haitit në Organizatën e Shteteve Amerikane, përballet me akuzat më të rënda si vrasje, tentativë vrasje, armëmbajtje pa leje, komplot kundër sigurisë së brendshme dhe shoqatë kriminale.

LEXONI GJITHASHTU:

• Dhjetëra të vdekur nga përmbytjet në Haiti
• Haiti, zhvendosen mbi 3 mijë persona, përballen me vrasje dhe përdhunime