Vrasja e reperit shkakton trazira në Amsterdam, regjistrohen 4 shpërthime

Në Amsterdam gjatë natës ndodhën shpërthime në katër ndërtesa, në muret e të paktën dy prej tyre ishte shkruar fjala “luftë” dhe policia arrestoi dy të dyshuar, raportoi televizioni lokal AT5.

Shpërthimi i parë ka ndodhur rreth orës 23:45 në një kompleks banimi dhe ka shkaktuar thyerjen e disa xhamave, ndërsa policia ka arrestuar shumë shpejt dy të dyshuar.

Burimet i thanë televizionit të Amsterdamit se shpërthimi ishte një sulm ndaj rivalëve të reperit të vrarë Bigidagoe.

Shpërthimi i dytë ka ndodhur rreth orës 01:00 dhe ka dëmtuar hyrjen e godinës dhe autorët kanë shkruar në mur fjalën “luftë”.

Këtë fjalë autorët e kanë shkruar edhe në pallatin e tretë ku ndodhi shpërthimi rreth orës 03:15.

Policia njoftoi se në vendin e shpërthimit të katërt u lanë eksplozivë dhe se Shërbimi për Asgjësimin e Mjeteve Shpërthyese të Ministrisë së Mbrojtjes u përgjigj, raportoi NL Times.

Reperi Denzel Silos 26 vjeç, i njohur më mirë si Bigidagoe, u vra të dielën në mëngjes pranë stacionit Sloterdijk në Amsterdam.

LEXONI GJITHASHTU:

• Mbi 300 aktivistë të klimës u arrestuan për bllokimin e autostradës në Amsterdam
• Protesta në Amsterdam, punonjëset e seksit dhe banorët jo vendimit për “Red Light”