Komisioni Disiplinor i Bashkimit Evropian të Futbollit (UEFA) dënoi sot Dinamon e Zagrebit me ndalim të mbështetjes së organizuar të tifozëve deri në fund të sezonit në kompeticionet evropiane.
- Advertisement -
Vendimi vjen për shkak të incidenteve dhe përleshjeve me tifozët e AEK-ut në Athinë natën mes 7 dhe 8 gushtit, raportojnë mediat kroate.
Në prag të ndeshjes së parë të turit të tretë kualifikues për Ligën e Kampionëve mes AEK-ut dhe Dinamos, e cila do të luhej më 8 gusht në Athinë, tifozët e klubit kroat sulmuan mbështetësit e vendasve.
Nga ngjarja mbeti i vrarë tifozi i AEK-ut, Mihalis Kacuris, tetë persona u plagosën, ndërsa policia arrestoi mbi 100 huliganë, kryesisht shtetas kroatë, të cilët aktualisht ndodhen në paraburgim.
LEXONI GJITHASHTU:
- Mitsotakis “kërcënon” futbollin: Klubet mund të përjashtohen nga garat europiane
- Përleshjet mes tifozëve, rreth 100 kroatë përballen me akuza për vrasje në Greqi
