Vrau Arben Lleshin në burgun e Peqinit/ GJKKO rrëzon kërkesën, Sokol Mjacajt

Gjykata e Posaçme e Shkallës së Parë për Korrupsionin dhe Krimin e Organizuar ka rrëzuar kërkesën e Sokol Mjacajt për heqjen e regjimit të posaçëm 41-biss, pas një vendimi të Ministrit të Drejtësisë për zgjatjen e periudhës së tij për një vit të mëtejshëm.

Në një njoftim të shpërndarë nga Gjykata, thuhet se kërkesa e Mjacajt për kundërshtimin e vendimit nr. 619 të datës 11.12.2024, i cili parashikonte zgjatjen e regjimit të posaçëm të sigurisë së lartë, është rrëzuar nga gjykata.

Kjo periudhë e zgjatur ishte miratuar për të burgosurin Sokol Mjacaj, i cili është i dënuar me burgim të përjetshëm.

Kujtojmë që me 15 dhjetor 2023, Sokol Mjacaj pasi mori vesh vendimin e ministrit për ta kaluar atë në regjimin 41-biss u vu menjëherë në veprim duke vrarë me armë zjarri bashkëvuajtësin e tij Arben Lleshi dhe plagosi një tjetër të burgosur, Indrit Shaqja, brenda qelisë në burgun e sigurisë së lartë në Peqin.

Gjykata ka shqyrtuar kërkesën e Mjacajt dhe ka arritur në përfundimin se nuk ka bazë për të hequr regjimin 41-biss.

Sokol Mjacaj fillimish ishte dënuar përjetë për vrasjen e dy turistëve çek në 2015 në Prekal të Malësisë së Madhe dhe vazhdon të vuajë dënimin në kushte të sigurisë së lartë, mund të apelojë këtë vendim përmes instancave të tjera të drejtësisë.

LEXONI GJITHASHTU:

• Kush e pagoi për vrasjen në burg? Mjacaj pranon të bashkëpunojë me hetuesit
• “200 mijë € për kokën e Benit”- Zbulohet bashkëpunëtori i Mjacaj në vrasjen në burg