Apeli i Gjykatës së Posaçme Kundër Krimit dhe Korrupsionit dënoi përfundimisht me 25 vite burg Blendi Tetën, të akuzuar si i përfshirë në vrasjen e ish-policit Santiago Malko.
Teta pati rol në mbajtjen nën vëzhgim të Santiago Malkos me qëllim që të gjendej një moment i përshtatshëm për ta qëlluar.
Ish-polici u ekzekutua me breshëri automatiku më 17 gusht të vitit 2019, teksa lëvizte me makinë në zonën e ‘Xhamllikut’ në kryeqytet.
Blendi Teta u kthye në dëshmitarin kryesor pasi zbërtheu pjesë të rëndësishme të klanit Duka që organizoi vrasjen e Santiago Malkos.
Ndërkohë, në kërkim për këtë çështje janë Leonard Duka, 33 vjeç; Erlis Duka, 29 vjeç; Oltian Loga, 38 vjeç; Dritan Agaj, 38 vjeç; Fatmir Hyseni Musai, 42 vjeç, Aleksdandër Maxhaku, 37 vjeç dhe Xhoni Nica, 24 vjeç.
LEXONI GJITHASHTU:
- Vrasja e ish-policit Santiogo Malko, kapet një nga të dyshuarit
- Asnjë gjurmë nga autorët e vrasjes së dyfishtë te ‘Astiri’, dyshohet për përplasje mes bandave
