Vrau të dashurën në 2013-ën, lirohet nga burgu ish-atleti paraolimpik

Ish-atleti paraolimpik dhe olimpik, Oscar Pistorius, u lirua me kusht nga burgu, pasi kreu nëntë vjet për vrasjen e ish-të dashurës Reeva Steenkamp.

Pistorius qëlloi për vdekje modelen 29-vjeçare përmes një dere të mbyllur të banjës në ditën e Shën Valentinit në vitin 2013.

Në deklarimet e tij në gjykatë, ish-atleti deklaroi se nuk e dinte që ishte e dashura e tij, por se kishte të bënte me një grabitje në banesë.

Gjykata në Afrikën e Jugut vendosi që Pistorious do t’i nënshtrohet mbikëqyrjes korrektuese derisa dënimi i tij të përfundojë në vitin 2029. Ish-atleti pritet të jetojë në shtëpinë e xhaxhait të tij në Ëaterkloof, një periferi të sipërme të kryeqytetit të Afrikës së Jugut Pretoria, dhe të marrë pjesë në programe mbi dhunën me bazë gjinore dhe menaxhimin e zemërimit.

Ai nuk do të lejohet të pijë alkool dhe do të duhet të marrë leje për të udhëtuar ose për t’u punësuar, gjë që e bën të pamundur që ai të kthehet së shpejti në pistën e vrapimit.

Në një deklaratë të ndarë nga avokati i familjes Steenkamp të Premten, nëna e Reeva tha: ‘Ne e kemi ditur gjithmonë se lirimi me kusht është pjesë e sistemit ligjor të Afrikës së Jugut. Nuk mund të ketë kurrë drejtësi nëse i dashuri juaj nuk kthehet më. Ne, që kemi mbetur pas, jemi ata që vuajnë dënime të përjetshme. Dëshira ime e vetme është që të më lejohet të jetoj në paqe vitet e mia të fundit dhe të qëndroj në Fondacionin Rebecca Steenkamp, ​​për të vazhduar trashëgiminë e Reeva”.

Reeva Steenkamp, ​​ishte 29-vjeç kur u vra nga Pistorius. E diplomuar për drejtësi, ajo ishte një modele dhe prezantuese televizive e njohur. Reeva ishte shfaqur edhe në reality shoë “Tropika Island of Treasure”.

LEXONI GJITHASHTU: 

• “Do zgjidhet me kanun” Babai i Naimit flet për kërcënime: Erdhën thanë kërkojmë gjak
• “E urreva, s’e përqafoi, e preku me tre gishta”- Mësuesja e Liridonës: U martua e re