Vritet kryebashkiaku i sapozgjedhur në Meksikë, po udhëtonte me autobus kur u qëllua

Kryebashkiaku i zgjedhur së fundmi Salvador Villalva Flores u vra në shtetin Guerrero të Meksikës jugore, thanë autoritetet lokale.

Salvador Villalva Flores fitoi zgjedhjet lokale më 2 qershor dhe u vendos të merrte postin e kryebashkiakut të Coppa, një qytet me rreth 4,000 banorë, në shtator.

Ai ishte në një autobus kur u qëllua për vdekje në kokë të hënën në qytetin e San Pedro las Playas, tha zyra e prokurorit të shtetit Guerrera, sipas AP.

“Kryebashkiaku i zgjedhur u nxor nga autobusi me të cilin po udhëtonte dhe u qëllua”, shkruan gazeta lokale.

Nuk u dhanë detaje shtesë, dhe shteti i Guerreros është selia e organizatave të shumta kriminale që luftojnë për kontrollin e territorit, raporton AP.

Të paktën 34 kandidatë politikë janë vrarë në të gjithë Meksikën përpara dhe pas zgjedhjeve të 2 qershorit, sipas grupit të të drejtave të njeriut Data Civica.

LEXONI GJITHASHTU:

• Pak orë pas zgjedhjes së presidentes, qëllohet për vdekje politikania në Meksikë
• Sheinbaum do të jetë presidentja e parë grua e Meksikës