Kryetari i Gjykatës së Lartë në shtetin meksikan të Guerrero, Edmund Roman Pinzon, u vra nga disa persona të armatosur të cilët hapën zjarr ndaj tij jashtë gjykatës në qytetin Acapulco.

Gjykatësi u godit nga të paktën katër plumba teksa po dilte nga parkingu i gjykatës pasditen e së mërkurës sipas kohës lokale.

Policia intervistoi dëshmitarët dhe mblodhi pamjet e kamerave të vëzhgimit nga vendi i vrasjes, por deri më tani askush nuk është arrestuar në lidhje me rastin, raporton BBC.

Sipas gazetës lokale El Sol de Acapulco, gjyqtari ishte i përfshirë në rastet e vrasjeve, rrëmbimeve dhe vjedhjeve të makinave.

Vrasja e gjyqtarit është e fundit në një seri sulmesh jashtëzakonisht të dhunshme në Guerrero në javët e fundit.

Muajin e kaluar, trupat e 11 personave, përfshirë dy fëmijë, u gjetën në një automjet në qytetin Chilpancingo, 100 km në veri të Acapulco.

LEXONI GJITHASHTU:

• Autori i vrasjes së CEO të United Health merr qindra mijëra ndjekës në rrjet 
• Blinken mbron tërheqjen nga Afganistani në vitin 2021