Vritet zyrtari i Hamasit në Gaza, Izraeli merr përgjegjësinë: Ne e bëmë!

Izraeli thotë se ka vrarë një zyrtar të qeverisë së Hamasit në Gaza, i cili ishte i përfshirë në aktivitete militante.

Sipas mediave të huaja, Hamasi konfirmoi se Abdul Fattah Al-Zurai’i u vra së bashku me nënën e tij në një sulm ajror dje. Deklarata e identifikoi atë si nënsekretarin e Ministrisë së Ekonomisë, pa iu referuar ndonjë roli militant.

Forcat e Mbrojtjes të Izraelit e identifikuan atë si Ministrin e Ekonomisë dhe thanë se ai punonte gjithashtu në departamentin e prodhimit të krahut të armatosur të Hamasit.

IDF tha gjithashtu se ai kishte një “rol të rëndësishëm” në drejtimin e përpjekjeve për të marrë kontrollin e ndihmave humanitare që hynin në Gaza dhe se ai ishte përgjegjës për shpërndarjen e karburantit, gazit dhe fondeve për “qëllime terroriste”.

Në deklaratën e vet duke njoftuar vdekjen e tij, Hamasi tha se vrasja nuk do ta pengonte atë nga “kryerja e detyrës sonë kombëtare ndaj popullit tonë palestinez”.

LEXONI GJITHASHTU:

• Vriten 2 gazetarë të Al Jazeera-s në sulmin ajror ndaj Gazas
• Gaza: 10,000 nxënës dhe 400 mësues palestinezë janë vrarë që nga 7 tetori