Gaza: 10,000 nxënës dhe 400 mësues palestinezë janë vrarë që nga 7 tetori

Ministria palestineze e Arsimit ka thënë se 10,000 nxënës dhe 400 mësues janë vrarë në Rripin e Gazës si rezultat i agresionit të vazhdueshëm izraelit që nga 7 tetori.

Githashtu sipas OKB-së më shumë se 76 përqind e shkollave në Gaza kërkojnë “rindërtim të plotë ose rehabilitim të madh” për të qenë funksionale.

Lufta nisi më 7 tetor të vitit të kaluar në Gazë, pasi militantët e grupit Hamas kryen sulme në jug të Izraelit, duke lënë të vrarë mbi 1.200 izraelitë dhe duke marrë peng rreth 240 të tjerë.

Rreth 116 pengje besohet se janë ende në Gazë, përfshirë 42 që ushtria izraelite beson se janë të vrarë.

Izraeli, më pas, ka nisur luftë në Gazë me pretendimin për të shkatërruar Hamasin. Si pasojë e ofensivës tokësore dhe ajrore të Izraelit janë vrarë më shumë se 39.000 palestinezë ndër ta burra, gra, fëmijë dhe punonjës te medias.

LEXONI GJITHASHTU:

• “Gjenocidi në Gaza, më i pashembullti në histori”, eksperti: U hodh bomba 2000 kg…
• Netanjahu në SHBA falënderon Biden për “mbështetjen e përzemërt”