Vuçiç anulon ‘Paradën e Krenarisë’: Nuk jam i lumtur, por po shkojmë drejt krizës

Presidenti serb Aleksandar Vuçiç njoftoi se EuroPride do të shtyhet ose anulohet. Vuçiç theksoi se nuk është i lumtur për këtë, por se situata është e tillë tani, para së gjithash për shkak të situatës në Kosovë.

“Parada e Krenarisë në shtator do të shtyhet ose anulohet. Këtë e them sepse nuk mundemi në këtë moment kur kemi Open Ballkani dhe një krizë që do të zgjasë të paktën deri më 31 tetor”, tha ai.

Ai shtoi se për momentin nuk kemi ku të lëvizim, nuk do të pranojmë targa, as nuk do ta pranojmë reciprocitetin me dokumente, shkruan Euronews Serbia.

“Po shkojmë në një krizë më të madhe, kemi shumë probleme, nuk do të flas se sa gënjeshtra janë thënë atje, si do të sulmojnë kishat e manastiret, si do të shkatërrojnë moralin e madh të”, tha ai.

Sipas Vuçiç ka shumë njerëz që sinqerisht besojnë se kjo është një e keqe e madhe dhe se do t’i kërcënojë.

“Ne në këtë mënyrë cenojmë të drejtat e pakicës dhe ky është një problem, por ne kemi një problem këtu, jemi nën presion si vend, nuk është çështje nëse janë më të fortë apo jo, thjesht nuk mund të arrish gjithçka menjëherë”, tha Vuçiç.

LEXONI GJITHASHTU:

• Vuçiç mandaton Ana Bërnabiç për kryeministre të Serbisë
• Vuçiç optimist për kompromis me Kosovën: Të paktën për një pjesë të vogël