Vuçiç: Chollet tregoi se dëshiron të dëgjojë Serbinë, i jemi mirënjohës SHBA-ve

Presidenti i Serbisë, Aleksandar Vuçiç deklaroi se këshilltari i lartë i Departamentit të Shtetit, Derek Chollet tregoi respekt për Serbinë dhe dëshirë për të dëgjuar se çfarë kishte për të thënë pala serbe.

Sipas tij, është e qartë për të gjithë se gjithçka që ndodhi në Kosovë ishte pasojë e veprimeve të njëanshme të Prishtinës, shkruan Euronews Serbia.

“Chollet është një politikan i arsimuar, shumë inteligjent dhe jashtëzakonisht i mprehtë, një njeri që i kupton mirë rrethanat si në botë ashtu edhe në rajon dhe nëse Amerika do të ndryshojë qëndrimin e saj ndaj Republikës së Kosovës, ne nuk do të kemi dhe nuk duhet të kemi ndonjë iluzion për këtë”, theksoi ai.

Vuçiç shtoi se është diçka e mirë që SHBA-të duan të dëgjojnë se çfarë mendon Serbia, çfarë dëshiron dhe cilat janë pritjet e Serbisë dhe serbëve dhe ka shtuar se për këtë falënderon edhe ambasadorin amerikan në Serbi, Christopher Hill.

LEXONI GJITHASHTU

• Vuçiç: Kam informuar Chollet për “vijat e kuqe” lidhur me Kosovën
• Vuçiç takon zyrtarin e DASH: Pres të inkurajoni Prishtinën që të përmbushë detyrimet
• DASH kritikon deklaratën e Aleksandër Vuçiçit ndaj Edward Joseph-it