Vuçiç dorëhiqet nga kreu i partisë pas zgjedhjeve

Aleksandër Vuçiç është zotuar se do të japë dorëheqjen nga pozicioni I kreut të Partisë Progresive Serbe pas zgjedhjeve te 3 prillit.

Ai foli për të përditshmen “Politika” ku u shpreh se 10 vite duke drejtuar partinë janë një kohë e gjatë.

“Është një periudhë gjatë së cilës Progresivët nuk kanë humbur askund. Por është koha që të tjerët t’i përkushtohen,” – u shpreh presidenti serb.

Ai gjithashtu mohoi raportimet se vendi i tij do të vendosë sanksione ndaj Rusisë, pas zgjedhjeve

Ndërkohë, Partia Progresive e Serbisë, sipas sondazheve, pritet të fitojë zgjedhjet e përgjithshme që do të mbahen këtë të diel. Por, ka pak gjasa të sigurojë një mazhorancë dërrmuese prej 188 vendesh nga 250 që ka parlamenti serb.

Një sondazh i fundit i kompanisë “Faktor Plus”, i publikuar të mërkurën në të përditshmen “Blic”, e nxjerrë partinë e Vuçiç fituese me 53% të elektoratit.

LEXONI GJITHASHTU:

• Sondazhet nxjerrin Vuçiç fitues të zgjedhjeve në Serbi
• Vuçiç shfaqet ‘kudo’ gjatë fushatës zgjedhore