Vuçiç në Kuvendin e Serbisë: Ja pika më problematike në propozimin për Kosovën

Presidenti i Serbisë, Aleksandar Vuçiç, tha sot në një seancë të posaçme të Kuvendit të Serbisë kushtuar Kosovës, se 90 për qind e asaj që është bërë publike për planin franko-gjerman është e vërtetë dhe është lëshuar nga përfaqësues të komunitetit ndërkombëtar të cilët ishin të kënaqur me të.

Ai tha se problemi më i madh është neni i katërt i atij dokumenti, i cili përcakton se “Serbia nuk do të kundërshtojë anëtarësimin e Kosovës në organizatat ndërkombëtare”, shkruan Euronews Serbia.

Vuçiç prezantoi edhe 10 pika mbi të cilat do të bazohet politika e Serbisë në periudhën e ardhshme.

“Në vetë preambulën e atij plani thuhet – “duke u nisur nga faktet historike dhe duke mos vënë në pikëpyetje pikëpamjet e ndryshme të palëve për çështje themelore, duke përfshirë edhe çështjet e statusit”, tha Vuçiç.

Sipas presidentit serb, pika shumë më e rrezikshme është neni katër, paragrafi dy, ku thuhet se Serbia nuk do ta kundërshtojë anëtarësimin e Kosovës në organizatat ndërkombëtare.

LEXONI GJITHASHTU:

• “Nuk do ta japim Kosovën”, përleshje mes deputetëve në Kuvendin e Serbisë
• Vuçiç: Nuk guxoj ta prezantoj të gjithë planin evropian