Vuçiç pas takimit me “BE”: Fatkeqësisht dolën kundër Serbisë edhe kësaj radhe

Presidenti i Serbisë, Aleksandër Vuçiç, tha se do t’u drejtohet qytetarëve të Serbisë dhe do të bisedojë për të gjitha temat, problemet dhe zgjedhjet me të cilat sipas tij, po përballet vendi pas vizitës së delegacionit të BE-së, përgjegjës për dialogun ndërmjet Beogradit dhe Prishtinës, i kryesuar nga përfaqësuesi special i BE-së Miroslav Lajçak.

“Dje ishte një nga ditët më të vështira për vendin tonë. Dhe kurrë nuk fshihem nga njerëzit kur ndodhin gjëra të tilla. Do të kemi shumë vështirësi dhe probleme me të cilat do të përballemi në të ardhmen, prandaj na duhet unitet”, tha Vuçiç në një video të postuar në llogarinë e tij zyrtare në Instagram, shkruan Euronews Serbia.

Vuçiç u shpreh më tej se nuk e ka marrë përgjegjësinë që priste nga përfaqësuesit politikë.

“Fatkeqësisht ata zgjodhën të shkojnë kundër Serbisë edhe kësaj radhe”, theksoi Vuçiç.

LEXONI GJITHASHTU:

• Vuçiç: Jemi gati të punojmë për zbatimin e marrëveshjes së propozuar për Kosovën
• Lajçak: Vuçiç dëshmoi përgjegjshmëri dhe vullnet për vendime të vështira