Vuçiç pas takimit me Scholz: Kërkoi që Serbia të vendosë sanksione ndaj Rusisë

Presidenti i Serbisë, Aleksandër Vuçiç bëri me dije se kancelari gjerman Olaf Shcolz i kërkoi që të vendosë sanksione ndaj Rusisë.

Në konferencën e përbashkët për shtyp në Beograd pas përfundimit të takimit, Vuçiç u shpreh se me Sholz diskutoi edhe për dialogun me Kosovën.

“Kam folur për qëndrimin tonë, për specifikat e situatës rreth Kosovës, energjisë, por edhe për marrëdhëniet tradicionale me Rusinë”, deklaroi presidenti serb.

Vuçiç shtoi se Serbia është e gatshme që të arrijë progres në dialogun me Kosovën, nën kujdesin e Brukselit.

Para vizitës në Beograd, kancelari gjerman ishte në Prishtinë, ku u takua me kryeministrin e Kosovës, Albin Kurti.

Shcolz tha se Serbia duhet të respektojë vendimet e Bashkimit Europian, pasi është vend që aspiron integrimin në union.

LEXONI GJITHASHTU

• Serbia synon anëtarësimin në BE, Scholz: Të respektojë sanksionet ndaj Rusisë
• Scholz në Prishtinë: Njohja reciproke Kosovë – Serbi hap rrugën për në BE