Vuçiç për protestën: E madhe, me energji negative dhe mllef ndaj autoriteteve

Presidenti i Serbisë, Aleksandër Vuçiç, ka komentuar protestën e sotme në Beograd, duke e cilësuar atë si një tubim masiv me pjesëmarrje të madhe nga qytetarët e ardhur nga mbarë vendi.

Ai tha se protesta u mbajt me “energji jashtëzakonisht negative” dhe se “zemërimi dhe mllefi ndaj autoriteteve” u shpreh qartë, por pa viktima apo lëndime serioze.

“Janë raportuar gjithsej 56 të lënduar, por asnjëri nuk është në gjendje të rëndë. Kjo është një lajm i mirë. Ndërkohë, 22 persona janë arrestuar për sulme ndaj policisë dhe dëmtim prone”, tha Vuçiç.

Sipas tij, shërbimet e sigurisë kishin parashikuar se mund të kishte tensione mes 19:00 dhe 19:30, dhe ai vetë kishte pritur një skenar të tillë.