William dhe Kate të prekur nga mbështetja e njerëzve në mbarë botën

Princi dhe Princesha e Uellsit, William dhe Kate, u prekën nga mesazhet që morën pasi Kate njoftoi se ishte diagnostikuar me kancer, tha sot një zëdhënës i Pallatit Kensington.

“Princi dhe Princesha janë prekur jashtëzakonisht nga mesazhet dashamirëse nga njerëzit këtu në Mbretërinë e Bashkuar, në të gjithë Commonwealth dhe në mbarë botën në përgjigje të mesazhit të Lartësisë së Saj Mbretërore”, tha BBC në një deklaratë.

Kate u pa për herë të fundit në një shërbim mbretëror në ditën e Krishtlindjes, kur ajo ndoqi kishën në Sandringham me pjesën tjetër të familjes.

Në janar, ajo u shtrua në spital për dy javë dhe pritej të shërohej për disa muaj.

Mungesa e daljes së saj publike nxiti thashethemet për shëndetin e saj, të cilat vetëm u përkeqësuan kur ajo postoi një foto familjare në ditën e nënës, ku Kate ishte ulur e rrethuar nga tre fëmijët e saj.

Pasi u zbulua se imazhi ishte ndryshuar në mënyrë dixhitale, Kate personalisht kërkoi falje për modifikimin e imazhit, por fotografia origjinale nuk u publikua kurrë.

Ajo dhe William u panë më pas në një dyqan në një fermë në Windsor, duke ndezur spekulime të çuditshme se ajo ishte zëvendësuar nga një sozi.

Megjithatë, princesha theksoi se është mirë, se po forcohet çdo ditë e më shumë dhe po fokusohet në gjëra që do ta ndihmojnë të shërohet, duke kërkuar privatësi për të lejuar që familja të merret me gjendjen e saj.

“Shpresojmë se do ta kuptoni se ne si familje tani kemi nevojë për pak kohë, hapësirë ​​dhe privatësi derisa të përfundoj trajtimin tim. Puna ime më ka sjellë gjithmonë një ndjenjë përmbushjeje dhe mezi pres të kthehem kur të mundem, por tani për tani jam duke u fokusuar në një rikuperim të plotë”, tha Kate.

LEXONI GJITHASHTU:

• Diagnostikimi me kancer i Kate, Begaj i shpreh mbështetjen Princeshës së Uellsit
• Princesha e Uellsit Kate Middleton diagnostikohet me kancer