WSJ: Agjencitë e Inteligjencës së SHBA thonë se Putin nuk urdhëroi vdekjen e Navalny

Agjencitë e inteligjencës në SHBA kanë përcaktuar se presidenti rus Vladimir Putin me shumë gjasa nuk ka urdhëruar vrasjen e liderit të opozitës, Alexei Navalny, sipas Wall Street Journal (WSJ).

Sipas mediave të huaja, Navalny, një nga kritikët më të ashpër të Putinit, vdiq në një kamp burgu në Arktik në shkurt të këtij viti, në moshën 47-vjeçare.

Aleatët e tij, përfshirë gruan e tij, akuzuan liderin rus për vrasjen e tij, një akuzë që Kremlini e ka mohuar gjithmonë.

Por pas një vlerësimi të fundit të bazuar në një sërë informacionesh, duke përfshirë disa informacione të klasifikuara dhe një analizë të fakteve publike, agjencitë e inteligjencës amerikane nuk besojnë se Putin urdhëroi vdekjen e kundërshtarit të tij.

Vlerësimi mori gjithashtu parasysh kohën e vdekjes dhe mënyrën se si ajo errësoi rizgjedhjen presidenciale të Putinit në mars, sipas disa burimeve të cituara nga WSJ.

Gazeta citoi burime të thoshin se gjetja ishte “pranuar gjerësisht brenda komunitetit të inteligjencës dhe ishte ndarë nga disa agjenci, duke përfshirë Agjencinë Qendrore të Inteligjencës, Zyrën e Drejtorit të Inteligjencës Kombëtare dhe njësinë e inteligjencës së Departamentit të Shtetit”.

Duke iu përgjigjur raportit, Leonid Volkov, një ndihmës i lartë i Navalnyt, i quajti gjetjet naive dhe qesharake, raportoi WSJ.

LEXONI GJITHASHTU:

• Pezullohet prifti ortodoks që udhëhoqi ceremoni në varrimin e Navalnyt
• Hakerët anti-Kremlin “hakmerren” për vdekjen e Navalny