Yuri Kim në Elbasan, Balla: Vlerësoj mesazhin për blerjen e votës, ligji do të godasë LSI-në

Taulant Balla tha në emisionin “Ilva Now” se vlerëson mesazhin e ambasadores Yuri Kim në Elbasan për fenomenin e blerjes së votës, duke theksuar se në zgjedhjet e këtij viti ligji nuk do ta lejojë këtë fenomen.

“Në lidhje me vizitën e znj. Kim, ndër elementët që do të vlerësoja nga mesazhi i saj në Elbasan është fenomeni i blerjes së votës”, tha z. Balla.

Z. Balla tha për LSI-në se nuk do të marrë asnjë mandat në qarkun e Elbasanit, përderisa në këto zgjedhje nuk do të lejohet shit-blerja e votës.

“[Shqetësimi i ambasadores së SHBA] Bëhet fjalë për hallin tim dhe të Edmond Spahos në vitin 2017 ku ai ishte drejtues politik i Elbasanit dhe arsyeja pse LSI nuk do të marrë ansjë mandat në Elbasan në këto zgjedhje është sepse forca e ligjit do të godasë fort çdo fenomen të blerjes së votës,” u shpreh deuteti i PS.

Në vlerësimin e Taulant Ballës, lista e LSI-së fsheh njerëz që kanë probleme me drejtësinë.

LEXONI GJITHASHTU:

• Incidenti në Elbasan mes simpatizantëve PS-PD në 14 mars, Taulant Balla: Nuk shkohet në festë me flamuj partie
• Taulant Balla thotë se listat e LSI-së në Elbasan fshehin njerëz që kanë probleme me drejtësinë
• Balla: Në Elbasan synojmë 9 mandate, Basha e Bardhi po u bëjnë presion kompanive të ndërtimit