Zbulohet një tjetër varr masiv në Ukrainë, mbi 400 trupa të pajetë

Më shumë se 400 trupa janë gjetur të varrosur në Izium, qytet në veri lindje të Ukrainës i cili është çliruar nga forcat ruse.

Ende nuk ka shumë të dhëna se cfarë ka ndodhur me trupat e gjetur por disa zyrtarë pretendojnë se janë vrarë nga bombardimet apo nuk kanë patur kujdes mjekësor.

Ukraina dhe Perëndimi akuzon Rusinë se ka kryer krime lufte cka mohohet nga Moska.

“Duam që bota të dijë se cfarë është duke ndodhur dhe cfarë ka lënë pas pushtimi rus. Bucha, Mariupol e tani fatkeqësisht Izium. Rusia lë të vdekur kudo e duhet të mbajë përgjegjësi. Bota duhet të shpallë Rusinë përgjegjëse, do të bëjmë gjithcka që ta arrijmë këtë” u shpreh presidenti ukrainas Zelensky.

Me dedektorë në duar, ushtarët janë duke kërkuar nëse kanë mbetur mina të pashpërthyera.

Pas çlirimit, qyteti i Izyum është mbuluar nga rrënojat. Madje disa zyrtarë vlerësojnë se 80% e infrastrukturës së qytetit është shkatërruar e në rrënoja do të zbulohen edhe më shumë trupa të pajetë.

LEXONI GJITHASHTU

• Lufta në Ukrainë, Putin siguron mbështetjen e Kinës
• Presidenti iranian-Putinit: Bashkëpunimi i forcon shtetet e sanksionuara nga SHBA
• Putin zbulon ‘shqetësimin’ e Kinës për Ukrainën