Zbulohen parcela me kanabis në Krujë, arrestohen 5 persona, 2 në kërkim

Policia e Krujës ka organizuar një megaoperacion antidrogë ku janë sekuestruar 5.3 kg kanabis të gatshme për shitje, si dhe janë evidentuar e asgjësuar gjatë periudhës hetimore, 1353 bimë kanabisi, të kultivuara në zona të pyllëzuara.

Në pranga lidhur me këtë veprimtari kriminale janë vënë 5 persona, ndërsa u shpallën në kërkim 2 të tjerë.

Gjithashtu, janë sekuestruar 2 450 000 lekë, 4000 euro, 9 aparate celulare, 4 automjete dhe 1 armë gjahu.

Nga hetimet rezultoi se këta shtetas, në bashkëpunim me njëri-tjetrin, kanë kultivuar në kohë dhe në ambiente të hapura të ndryshme, 1353 bimë narkotike, në zona të pyllëzuara të fshatit Bruz Mal, të cilat janë evidentuar dhe asgjësuar përgjatë periudhës hetimore.

LEXONI GJITHASHTU:

• Kapen me 37 kg kanabis, arrestohen 5 shqiptarët në Selanik
• 38 kg kanabis, arrestohet në Tushemisht maqedonasi i shpallur në kërkim