Zbulohet varri i parë faraonik në 100 vitet e fundit

Zyrtarët egjiptianë kanë njoftuar zbulimin e varrit të faraonit Thutmose II nga dinastia e 18-të e sundimtarit. Është varri i parë faraonik i zbuluar pas atij të Tutankhamunit, i cili u gërmua në vitin 1922.

Nëpërmjet përpjekjeve të përbashkëta të arkeologëve egjiptianë dhe britanikë, varri i Thutmose II u gjet në zonën e Tebës, në perëndim të Luksorit në Luginën e famshme të Mbretërve. Një ekip nga Ministria egjiptiane e Turizmit dhe Antikiteteve, e cila njoftoi zbulimin e rëndësishëm, gjeti strukturën kryesore të varrit dhe kalimin drejt tij në vitin 2022, dhe që atëherë gërmimet kanë vazhduar me ekspertë ndërkombëtarë.

Dr. Mohamed Ismail Khaled, sekretar i përgjithshëm i Këshillit Suprem të Antikiteteve në Egjipt, thotë se fillimisht menduan se varri i përkiste njërës prej mbretëreshave, pasi varret e grave të mbretit Thutmose III ndodhen gjithashtu relativisht afër.

Megjithatë, ndërsa puna përparonte, u gjetën prova të reja që tregonin se varri i përkiste mbretit Thutmose II dhe se ai u varros nga mbretëresha Hatshepsut, gruaja dhe gjysmë motra e tij.

LEXONI GJITHASHTU:

• Shfaqet vetëm dy herë në vit, ja çfarë ndodh me statujën e faraonit të Egjiptit
• Zbulimi magjepës në Egjipt, ekipi arkeologjik gjen varrin e mjekut ‘magjistar”