Zëdhënësi i DASH thirrje Kosovës për targat: Të zgjatet periudha e zbatimit

Zëdhënësi i Departamentit amerikan të Shtetit, Ned Price i ka bërë thirrje qeverisë së Kosovës që të zgjasë periudhën e zbatimit të regjimit të ri të targave.

“I bëjmë thirrje qeverisë së Kosovës që të zgjasë periudhën e zbatimit të regjimit të ri të targave. Si Kosova ashtu edhe Serbia duhet të demonstrojnë përkushtimin e tyre, përmes fjalëve dhe veprimeve, për një bashkëpunim konstruktiv për të siguruar një të ardhme paqësore”, shprehet ai në një postim në Twitter.

We urge the government of Kosovo to extend the implementation period for the new license plate regime. Both Kosovo and Serbia should demonstrate their commitment, through words and actions, to constructive collaboration to ensure a peaceful future. https://t.co/cGGzM5Rb1l

— Ned Price (@StateDeptSpox) October 28, 2022

Qeveria e Kosovës ka vendosur zbatimin në disa faza të vendimit për konvertimin e targave serbe në ato RKS.

Përmes një deklaratë për mediat, kryeministri Albin Kurti u shpreh dje se deri më 21 nëntor do të jetë masa e qortimit, ndërsa nga 21 nëntori deri me 21 janar do të jetë masa e gjobitjes.

“Tani ne kemi zhvilluar diskutime edhe me ministrin e brendshëm edhe me ministrinë e linjës. Dhe kemi ardhur në përfundim që të sjellim për propozim, një vendim që bën sekuencim dhe shkallëzim të zbatimit të këtij vendimi. Deri me 21 nëntor do të jetë masa e qortimit. Nga 21 nëntori deri me 21 janar do të jetë masa e gjobitjes. Nga 21 janari do të kemi targa provuese për dy muaj. Pas secilës datë me 21 prill s’do të ketë më targa të tjera në Republikën e Kosovës”, ka thënë kryeministri Albin Kurti.

Vendimi i ri ka ardhur pas një takimi të Kurtit me ambasadorët e Quintit.

LEXONI GJITHASHTU:

• Qeveria e Kosovës ‘zbut’ vendimin për targat
• Tensione për targat në Kosovë? Analisti: Nuk dihet porosia e amerikanëve ndaj Kurtit
• Banesa në SHBA përfshihet nga flakët, 8 të vdekur, mes tyre 6 fëmijë