Zelandë e Re, kryeministrja ndërpret intervistën nga lëkundjet e tërmetit

Një tërmet i magnitudës 5.8 ka goditur Zelandën e Re këtë të hënë, por e veçanta ka qenë se vetë kryeministrja, Jacinda Arden, ishte në një intervistë drejtpërsëdrejti kur u ndien lëkundjet.

Tërmeti ishte 37 kilometra I thellë dhe epiqendra ndodhej 30 kilometra larg kryeqytetit të vendit, Uellington.

Edhe pse zgjati 30 sekonda, duke përhapur mjaft panik, tërmeti nuk ka shkaktuar dëme të rënda.

Kryeministrja Adern ndërpreu intervistën e drejtpërdrejtë në televizion dhe tha “Lëkundje e fortë. Nëse shikoni, pas meje po tunden pajisjet”, tha ajo.

Tërmeti u ndoq nga disa paslëkundje të tjera, gjë që bëri që të pezullohet qarkullimi i trenave për pak kohë.