Zelenski i kërkon kancelarit gjerman mbështetje të qartë për Ukrainën

Presidenti ukrainas Volodimir Zelenski i ka bërë thirrje kancelarit gjerman Olaf Scholz të tregojë mbështetje të qartë për Ukrainën.

Në një intervistë me TV gjerman ZDF të hënën mbrëma, Zelenski tha se Gjermania nuk duhet të përpiqet të balancojë interesat e saj midis Ukrainës dhe marrëdhënieve të saj me Rusinë, shkruan CNN.

“Ne kemi nevojë nga kancelari Scholz të ja japë sigurinë se Gjermania mbështet Ukrainën. Ai dhe qeveria e tij duhet të vendosin: nuk mund të ketë një shkëmbim ndërmjet Ukrainës dhe marrëdhënieve me Rusinë”, tha Zelenski.

Ka pasur spekulime se Scholz mund të bëjë udhëtimin e tij të parë në Kiev që nga fillimi i luftës gjatë kësaj jave.

Kancelari mbrojti Gjermaninë kundër akuzave se nuk do të dorëzonte armët që kishte premtuar për Ukrainën.

Para se të mund të dorëzoheshin armët moderne, ushtarët ukrainas duhej të trajnoheshin se si t’i përdornin ato, tha ai mbrëmë.

LEXONI GJITHASHTU:

• Von der Leyen takim me Zelenskin për anëtarësimin në BE të Ukrainës
• Biden: Zelenski nuk i dëgjoi paralajmërimet për pushtimin e Ukrainës