Zelenski: Rruga e anëtarësimit në BE do afrojë fitoren e Ukrainës ndaj Rusisë

Presidenti ukrainas, Volodimir Zeleski deklaroi të premten se rekomandimi i Komisionit Europian për t’i dhënë Ukrainës statusin kandidat në BE, do ta afronte vendin drejt fitores në luftën ndaj agresionit rus.

Zelenski shprehu mirënjohje ndaj Presidentes së KE-së Ursula von Der Leyen në lidhje me rekomandimin, përmes një postimi në rrjetet sociale.

“Unë përgëzoj përfundimin pozitiv të Komisionit Europian për statusin e vendit kandidati për Ukrainën. Është hapi i parë në rrugën e anëtarësimit në BE që sigurisht do ta afrojë fitoren tonë. Mirënjohës ndaj Von der Leyen dhe çdo anëtari të KE për një vendim historik”, shkroi ai në Twitter.

Zelenski nënvizoi se javën e ardhshme pret një përgjigje pozitive nga Këshilli i Europës.

Ukraina shpalli dëshirën e saj për t’u bashkuar me BE-në vetëm katër ditë pasi Rusia nisi sulmin e saj më 24 shkurt.

I commend the positive @EU_Commission Conclusion on 🇺🇦’s candidate status. It’s the 1st step on the EU membership path that’ll certainly bring our Victory closer. Grateful to @vonderleyen & each EC member for a historic decision. I expect the positive result from #EUCO next week.

— Володимир Зеленський (@ZelenskyyUa) June 17, 2022

LEXONI GJITHASHTU

• Brukseli pritet të mbështesë Ukrainën për anëtarësim në BE