Zelenski thirrje OKB-së për të shpëtuar ukrainasit e bllokuar në Mariupol

Presidenti i Ukrainës, Volodimir Zelenski i ka bërë thirrje OKB-së për ndihmë për të shpëtuar jetën e ukrainasve të bllokuar në fabrikën e çelikut Azovstal në Mariupol.

Në një bisedë telefonike mbrëmjen e kaluar me Sekretarin e Përgjithshëm të OKB-së, Antonio Guterres, Zelenski falenderoi OKB-në për një evakuim të suksesshëm nga uzina e çelikut këtë javë, ku shpëtuan më shumë se 100 njerëz nga fabrika e çelikut.

Ndërkohë ai i bërë thirrje OKB-së të “ndihmojë në largimin e të gjithë plagosurve nga Azovstal”, raporton BBC.

“Jetët e njerëzve që mbeten atje janë në rrezik”, tha Zelenski.

Rreth 200 civilë mendohet se janë strehuar brenda uzinës.

LEXONI GJITHASHTU:

• 600 persona humbën jetën nga bombardimi i teatrit në Mariupol, thotë raporti
• VIDEO l Momenti kur rusët bombardojnë uzinën e çelikut në Mariupol
• Më shumë se 200 civilë ende të bllokuar në fabrikën e çelikut në Mariupol