Zelensky bën deklaratën e fortë: Nuk jam i sigurt nëse Putin është ende gjallë

Presidenti ukrainas Volodymyr Zelenskyy ka thënë në takimin vjetor të Forumit Ekonomik Botëror se ai nuk është “plotësisht i bindur” nëse Vladimir Putin është “ende gjallë”.

Duke folur përmes lidhjeje të drejtpërdrejtë, Zelensky i tha turmës në Davos: “Nuk e kuptoj fare mirë me kë të flas dhe për çfarë. Unë nuk jam i sigurt se presidenti i Rusisë, i cili shfaqet ndonjëherë në media, është me të vërtetë ai.

Zelensky tha se Rusia përdorë teknikën “chroma key, për të falsifikuar videot ku Putin shihet duke vizituar vende të rrezikshme.

Sipas tij kjo tenkinë lejon manipulime vizuale në video, duke krijuar pamje të paqena në të vërtetë.

Nga ana e palës ruse, Kremlini është kundërpërgjigjur, por pa adresuar shëndetin e presidentit rus.

“Natyrisht, Zelenskyy nuk do të preferonte të ekzistonte as Rusia, as Putini. Sa më shpejt të kuptojë se Rusia ekziston dhe do të ekzistojë, aq më mirë është për një vend të tillë si Ukraina”, tha Zëdhënësi i Kremlinit Dmitry Peskov.