Zelensky mbërrin në SHBA, një avion ushtarak amerikan e shoqëroi për arsye sigurie

Presidenti ukrainas Volodymyr Zelensky ka mbërritur në Shtetet e Bashkuara, duke u ulur në një bazë ushtarake jo shumë larg Uashingtonit.

Lajmin e bëjnë të ditur mediat ndërkombëtare, sipas të cilave për arsye sigurie një avion luftarak amerikan shoqëroi Zelensky-n gjatë rrugëtimit për vizitën e parë jashtë shtetit që nga fillimi i luftës.

Presidenti ukrainas ndoqi një itinerar të mbajtur sekret. Fillimisht ai udhëtoi me tren nga Ukraina drejt një lokaliteti në jug-lindje të Polonisë, prej nga mori avionin.

Në Uashington, Zelensky do të takohet me homologun amerikan Joe Biden dhe më pas do të mbajë një fjalim në Kongres, rreth 30 minuta pas mesnate me orën tonë.

LEXONI GJITHASHTU:

• Zelensky në SHBA, udhëheqësi i Ukrainës pritet të takojë Biden
• Zelensky sfidon rusët, medalje ushtarëve ukrainas në qytetin e rrethuar