Zelensky sfidon rusët, medalje ushtarëve ukrainas në qytetin e rrethuar

Me një shfaqje sfiduese, presidenti ukrainas ka vizituar trupat që ndodhen në epiqendrën e luftës në Ukrainë, Bakhmut. Volodymyr Zelensky u dha medalje ushtarëve që po përpiqen të zmbrapsin trupat ruse nga qyteti i rrethuar.

Ndërsa ushtria mund të jetë duke garantuar terrenin, për popullsinë në ikje gjërat janë ndryshe. Shumë prej tyre po detyrohen të largohen.

“Kur shkojmë të flemë, lutemi. Kur zgjohemi lutemi sërish dhe falënderojmë Zotin që jemi gjallë. Është diçka që e bëjmë përditë prej shumë kohësh, aq sa kemi humbur sensin e ditëve”, tha Zelensky.

Larg nga fronti i luftës, presidenti rus ka bërë gjithashtu vlerësime. Në një fjalim drejtuar agjencive të sigurisë, Vladimir Putin bëri me dije se strukturat e Kremlinit po përballen me sfida ekstreme.

“Do të doja të përmendja divizionet e agjencive të sigurimit që kanë nisur të veprojnë në rajonet e reja të Rusisë. E di që është e vështirë për ju në këto momente për shkak të situatës në Republikat Popullore të Donjeckut, Luhanskut, Khersonit dhe Zaporizhias. Një situatë jashtëzakonisht e vështirë”, u shpreh Putin.

Mes atyre që morën medalje ishin liderët e 4 rajoneve të caktuar nga Moska. Donjecku, Luhansku, Khersoni dhe Zaporizhia u aneksuan përmes referendumeve, që nuk u njohën nga faktori ndërkombëtar.

LEXONI GJITHASHTU:

• Putin: Situata në rajonet e aneksuara ukrainase është shumë e vështirë
• Ukraina forcon mbrojtjen e kufirit të saj me Bjellorusinë