Presidenti Volodymyr Zelensky thotë se Ukraina nuk do ta falë Rusinë “për një jetë të vetme të shkatërruar ukrainase”, ndërsa vendi shënon Ditën e Përkujtimit të Mbrojtësve të Ukrainës.
Sipas mediave të huaja, festa shënon 10 vjetorin e betejës së Ilovaisk, ku qindra ushtarë ukrainas u vranë nga trupat ruse ndërsa filluan të tërhiqen nga qyteti i rrethuar.
“Ky ishte një krim i planifikuar, cinik rus që Ukraina nuk do ta harrojë kurrë dhe nuk do ta lërë pa u ndëshkuar”, shkroi Zelensky në kanalin e tij Telegram.
“Sot, Ukraina nderon kujtimin e të gjithë mbrojtësve të saj. Të gjithë ata që luftuan për shtetin tonë, për pavarësinë e Ukrainës dhe sakrifikuan gjënë më të çmuar – jetën e tyre”, tha ai.
“Dhe ne nuk do ta falim Rusinë për një jetë të vetme të shkatërruar ukrainase”, shtoi Zelensky.
Kujtojmë se mijëra persona, civilë e ushtarakë, kanë humbur jetën në Ukrainë pas nisjes së agresionit të pajustifikuar rus ndaj fqinjit të tij perëndimor në shkurt të vitit 2022.
LEXONI GJITHASHTU:
- Alarmi për sigurinë bërthamore në Rusi e Ukrainë, OKB ndan shqetësimin
- Vrasësi i të moshuarës lirohet për herë të dytë për të luftuar në Ukrainë
