Zelensky planifikon të takohet me liderin kinez, Xi Jinping

Presidenti ukrainas, Volodymyr Zelensky u shpreh se ka në plan të takojë liderin e Kinës, Xi Jinping për të diskutuar propozimet e Pekinit për përfundimin e luftës në Ukrainë.

Duke folur në përvjetorin e parë të luftës së Rusisë në Ukrainë, ai tha se propozimi sinjalizonte se Kina ishte e përfshirë në kërkimin e paqes.

“Unë me të vërtetë dua të besoj se Kina nuk do të furnizojë me armë Rusinë”, tha ai.

Plani i Kinës kërkon bisedime paqeje. Megjithatë, dokumenti prej 12 pikash nuk thotë në mënyrë specifike se Rusia duhet të tërheqë trupat e saj nga Ukraina.

Autoritetet kineze deri më tani nuk i janë përgjigjur publikisht thirrjes së Zelenskyt.

LEXONI GJITHASHTU:

• Liderët e G7-s dhe Zelensky takohen në përvjetorin e luftës
• Zelensky: Fitorja e Ukrainës është e pashmangshme nëse aleatët bëjnë “detyrat”