Zelensky premton të përballet me korrupsionin në Ukrainë

Presidenti i Ukrainës, Volodymyr Zelensky deklaroi se korrupsioni, një problem që ka kaluar në plan të dytë për shkak të luftës kundër Rusisë, nuk do të tolerohet dhe premtoi vendime kyçe për çrrënjosjen e tij.

Premtimi i Zelensky-t erdhi mes akuzave për korrupsion të nivelit të lartë, duke përfshirë një raport për praktika të dyshimta në prokurimet ushtarake, pavarësisht se zyrtarët promovojnë unitetin kombëtar për t’u përballur me pushtimin, shkruan Reuters.

“Unë dua që kjo të jetë e qartë: nuk do të ketë më kthim në atë që ka qenë në të kaluarën, në mënyrën se si kanë jetuar njerëz të ndryshëm pranë institucioneve shtetërore ose ata që e kaluan tërë jetën e tyre duke ndjekur një karrige”, theksoi ai.

Ukraina ka pasur një histori të gjatë korrupsioni, ku Transparency International e rendit atë në vendin e 122 nga 180 vende

“Kjo javë do të jetë koha për vendimet e duhura. Vendimet tashmë janë përgatitur. Nuk dua t’i bëj publike në këtë moment, por gjithçka do të jetë e drejtë”, u shpreh presidenti ukrainas.

LEXONI GJITHASHTU

• Gjermania nuk do ta pengojë Poloninë që t’i japë Ukrainës tanke
• Shpërdoroi fondet e rindërtimit, arrestohet zv.ministri i infrastrukturës në Ukrainë
• Mediat serbe: Aleksandër Vuçiç mund të japë dorëheqjen