Zelensky: Putin po zvarrit bisedimet për armëpushimin për të vazhduar luftën

Presidenti i Ukrainës Volodymyr Zelensky thotë se ka “mirëkuptim të fortë” midis Ukrainës dhe partnerëve të saj evropianë.

Presidenti ukrainas përsëriti pohimin e tij se Vladimir Putin do të përpiqej të tërhiqte propozimin e armëpushimit në diskutime të pafundme dhe kërkoi nga SHBA dhe aleatët e tjerë të Kievit që të ushtrojnë presion mbi Rusinë.

Në mënyrë të ngjashme, një burim i qeverisë ukrainase i tha Sky News: “Amerikanët ofruan një armëpushim pa kushte për 30 ditë dhe ne ramë dakord për të. Pra, duhet të ketë një marrëveshje pasqyre nga pala ruse. Ajo që Putin tha publikisht dje dhe ajo që ne dëgjuam t’i tha Putin palës amerikane janë kushte shtesë për Ukrainën për një armëpushim, në veçanti, ndalimi i rekrutimit në ushtri, ndalimi i furnizimit me ndihmë të mbrojtjes. Çdo përpjekje për të shtuar kushte për armëpushim ne e shohim si një përpjekje të Rusisë për t’i zvarritur gjërat”, tha Zelensky.