Zelensky thotë se Ukraina do të rimarrë Krimenë

Ukraina do të rimarrë Krimenë pasi është “toka jonë”, tha presidenti ukrainas Volodymyr Zelensky teksa iu drejtua sesionit “Mëngjesi i Ukrainës” në Davos të enjten.

“Nuk është një qëllim, është toka jonë. Krimea është deti dhe malet tona. Na jepni armët tuaja dhe ne do të rifitojmë atë që është e jona,” tha Zelensky kur u pyet nga paneli nëse ai synon të rimarrë Krimenë.

“Hendeku midis vendeve tona është i madh. Nuk është artificial. Është gërmuar nga Putin. Ai qëndron me këtë lopatë dhe do të mbetet me këtë lopatë në histori,” tha Zelensky.

I pyetur për mundësinë e negociatave të paqes, Zelensky tha: Bisedimet për paqen nuk janë paqe. Palët duhet ta kuptojnë atë. Për tre vitet e fundit që kur u bëra president ne bëmë gjithçka që mundëm për të çliruar tokën tonë përmes diplomacisë”- shtoi ndër të tjera ai.

“Unë nuk e kuptoj me kë të flas. Nuk e kuptoj fare nëse Putini është gjallë, nëse ai merr vendime, apo kush po merr vendime,” tha Zelensky.

LEXONI GJITHASHTU: 

• Kërcënohet studentja në RMV: Nuk duan që të hap bibliotekën me libra shqip
• Shkoi për shëtitje në mal, zhduket aktori britanik në Kaliforninë jugore