Zelenskyy: SHBA na ka kërkuar ndihmë për mbrojtjen kundër dronëve iranianë

Presidenti ukrainas, Volodymyr Zelenskyy ka njoftuar se Shtetet e Bashkuara dhe aleatët e tyre në Lindjen e Mesme po kërkojnë ndihmën e Ukrainës për mbrojtjen kundë dronëve Shahed të Iranit.

“Vende të ndryshme, përfshirë SHBA-në, i janë drejtuar Ukrainës për ndihmë në mbrojtjen kundër dronëve iranianë,” tha Zelenskyy.

Ai tha se ka folur ditët e fundit me udhëheqësit e Emirateve të Bashkuara Arabe, Katarit, Bahreinit, Jordanisë dhe Kuvajtit rreth bashkëpunimit të mundshëm.

“Ndihma ukrainase në kundërshtimin e dronëve iranianë do të ofrohet vetëm nëse nuk dobëson mbrojtjen e vetë Ukrainës,” tha presidenti ukrainas dhe nëse shton ndikim në përpjekjet diplomatike të Kievit për të ndaluar pushtimin rus.

“Ne ndihmojmë në mbrojtjen nga lufta të atyre që na ndihmojnë ne, Ukrainën, t’i japim fund të drejtë luftës me Rusinë”, tha Zelenskyy.

Presidenti amerikan, Donald Trump, në një intervistë të enjten me Reuters, tha se do të pranojë çdo ndihmë nga çdo vend.