Zgjedhja e presidentit, Sula: Parlamenti ka legjitimitet të cunguar

Deputeti i Partisë Demokratike, Dashnor Sula thotë se parlamenti ka legjitimitet të cunguar, për shkak se deputetë të mazhorancës ndodhen në burg dhe pritet që edhe të tjerë të shkojnë prapa hekurave.

Në emisionin “Now” në ‘Euronews Albania”, Sula u shpreh se mazhoranca duhet të linte opozitën që të udhëhiqte procesin për zgjedhjen e presidentit të ri.

“Kemi një ligjitimitet të cunguar të këtij parlamenti. Ka 2 deputetë në burg që kanë marrë mijëra vota dhe janë të kësaj mazhorance. Të tjerë të etiketuar “non grata”. Pritet të shkojnë edhe disa të tjerë në burg. Mazhoranca duhet të thoshte publikisht që procesin ta udhëhiqte opozita”, tha Sula.

Këtë të hënë ka dështuar raundi i parë për zgjedhjen e Presidentit të Republikës. Në seancën plenare nuk u paraqit asnjë kandidaturë, ndaj dhe nuk pati votim.

LEXONI GJITHASHTU

• Dështon raundi i parë për zgjedhjen e presidentit
• Rama: Nëse nuk ka konsenus, e zgjedhim vetë presidentin në raundin e katërt