Zgjedhjet në Armeni, fiton partia e kryeministrit Pashinyan: Do të thellojmë lidhjet me Perëndimin

Partia pro-Evropiane në pushtet në Armeni ka fituar zgjedhjet parlamentare. Rezultatet përfundimtare në vendin e vogël të Kaukazit Jugor treguan se partia e kryeministrit Nikol Pashinyan, Kontrata Civile siguroi një shumicë të vogël, ndërsa aleanca Armenia e Fortë, e udhëhequr nga Samvel Karapetyan, fitoi 25% të vendeve në parlament.

Rezultati forcon pozicionin e Pashinyanit ndërsa ai ndjek qëllimin e tij të rëndësishëm dhe politikisht të ndjeshëm si një marrëveshje paqeje me kundërshtarin e hershëm të Armenisë, Azerbajxhanin, dhe normalizimin e marrëdhënieve me Turqinë.

“Populli i Armenisë votoi për paqe, prosperitet rajonal dhe bashkëpunim rajonal, dhe shpresoj se kjo do të marrë një përgjigje pozitive nga Turqia dhe Azerbajxhani”, tha Pashinyan në selinë e tij të fushatës.

Pashinyan shtoi se Armenia do të vazhdojë të thellojë lidhjet me Perëndimin, duke ruajtur anëtarësimin e saj në Unionin Ekonomik Euroaziatik të udhëhequr nga Rusia.