Zgjedhjet në Itali, ekstremi i djathtë fiton terren

Blloku i ekstremit të djathtë në Itali është në rrugën e duhur për të fituar një shumicë të gjerë në të dyja dhomat e parlamentit në zgjedhjet kombëtare të muajit të ardhshëm, duke përfituar nga përçarjet midis kundërshtarëve.

Aleanca konservatore kryeson sondazhet e opinionit përpara zgjedhjeve të 25 shtatorit, ku partia e ekstremit të djathtë Fratelli d’Italia pritet të dalë partia më e madhe.

Në bazë të premtimeve zgjedhore për ulje taksash dhe pensione më të larta, një fitore e aleancës konservatore mund të rëndojë financat publike të Italisë, ndërkohë që kjo aleancë pritet gjithashtu të godasë emigracionin e paligjshëm.

Një studim nga Instituti Cattaneo, bazuar në sondazhet e fundit, sugjeron se aleanca mund të marrë 245 ligjvënës nga 400 në Dhomën e Ulët dhe 127 nga 200 në Senat.

Blloku konservator përfshin Fratelli d’Italia  të ekstremit të djathtë drejtuar nga Giorgia Meloni, Lega Nord e  Matteo Salvinit, Forza Italia e Silvio Berlusconit dhe disa aleatë të vegjël.

Sipas studimit qendra e majtë, e udhëhequr nga Partia Demokratike (PD) e Enrico Lettës, do të merrte 107 ligjvënës në dhomën e ulët dhe 51 në Senat, ndërsa pjesa tjetër do të ndahej midis partive jashtë blloqeve kryesore.

Zgjedhjet e 25 shtatorit mbeten surprizë sepse nëse aleanca e djathtë fiton me shumë mundësi Giorgia Meloni do të merrte drejtimin e qeverisë duke u bërë gruaja e parë kryeministre në shtetin fqinj.

LEXONI GJITHASHTU:

• Shtëpi me €1 euro në Itali: Si funksionon dhe kush mund t’i blejë?
• Protesta për drejtësi në Itali pas vrasjes brutale të emigrantit nigerian