Zgjedhjet në PE, holandazët të parët që u drejtohen kutive të votimit

Holanda është vendi i vetëm i BE-së që fillon votimin për zgjedhjet parlamentare më herët, duke hapur kutitë e votimit të enjten. Zgjedhjet do të vazhdojnë në 27 shtetet anëtare të BE-së gjatë ditëve në vijim, me rezultatet që do të shpallen të dielën në mbrëmje pas përfundimit të votimeve në të gjitha shtetet.

Në Hollandë zgjedhjet vijnë gjashtë muaj pas fitores së padiskutueshme të Partisë për Liri të ekstremit të djathtë, duke u bërë forca më e madhe parlamentare. Sondazhet tregojnë se partia do të ketë ndikim në shumë vende të tjera të bllokut.

Partia për Liri dhe një nga partnerët e tij të mundshëm të koalicionit, Lëvizja Qytetare e Fermerëve, janë të popullarizuar ndër fermerët, të cilët kanë protestuar rregullisht për lehtësimin e legjislacionit të BE-së.

Ndryshe nga e kaluara, manifesti i Partisë për Liri për zgjedhjet e ardhshme nuk përmend daljen nga BE-ja, por në vend të kësaj i bën thirrje votuesve t’i mbështesin për të ndryshuar BE-në nga brenda, ngjashëm me planet e shumë partive të tjera të ekstremit të djathtë në gjithë bllokun.

LEXO GJITHASHTU

• Pse erdhi Meloni? Abilekaj: Po bën fushatë me Ramën
• Nisin zgjedhjet për Parlamentin Europian, sondazhet dhe e ardhmja e BE