Zgjedhjet serbe, jo në Kosovë

Data e zgjedhjeve ne Serbi po afron. Por, kësaj radhe, minoriteti serb nuk do të mund të votojë brenda kufirit të Kosovës.

Këtë e ka bërë të qartë të martën ministrja e Drejtësisë në Qeverinë e Kosovës, Albulena Haxhiu.

“Konsiderojmë se është jashtëzakonisht e rëndësishme të respektohet Kushtetuta e Republikës së Kosovës, por edhe legjislacioni në fuqi”, tha ajo.

Ministrja Haxhiu tha se tentative e Serbisë për të organizuar zgjedhje në Kosove nuk ka të bëjë me serbët që jetojnë në Kosovë, por me pretendimet që Serbia ka ndaj territorit të Kosovës.

Për analistin Milaim Zeka, kërkesa me ngulm e Serbisë për të sjellë kuti votimi në Kosovë, është thjesht një manovër e Presidentit serb Vuçiç për më shumë vota në Serbi dhe për të matur pulsin në Kosovë.

Pro vendimit të qeverisë është edhe analisti Fatmir Sheholli, por që njëkohësisht sheh në horizont edhe presione ndaj Kosovës.

Përpjekja për të paralelizuar votimet serbe në Kosovë me rastin e qytetarëve kosovarë që votojnë në Shqipëri, nuk qëndron për analistin Sheholli.

Qytetarët e Serbisë pritet të votojnë më 3 prill të këtij viti nga ku do te dalin edhe institucionet e reja te këtij shteti.

LEXONI GJITHASHTU:

• Zgjedhjet e parakohshme në Serbi, Vuçiç shpërndan Parlamentin

• Ambasada amerikane: Serbët e Kosovës të marrin pjesë në zgjedhjet e prillit